مـن روـآئع ـآبن ج ـدلآن ..×

المشاركات : 36 تاريخ التسجيل : 26/08/2010

(( روائــــــــــــــــــع بن جـــــــــــــــــدلان ))

روائع بن جدلان
¤¤(1)¤¤‏ ‏
يا جلالة سيدي مولاي يادمث
الجنابي
يازعيم العرب يارجل المهات
الكبيره
يافهد يا برفسور الفقه والرشد
الصحابي
يافهد يانصرة الوحي السماوي
وتعميره
يافهد راسي عمادالدين فالصف
العرابي
يافهدنا يا حبيب العود و البنت
الصغيره
اكلب الهيلا تعانقك المحبه
واللبابي‏
و بأسم نواب الفخوذ وباسم
شيخان العشيره
تعلن العرفان و الطاعه جهر
ماهوب غابي
والمعاهد والولا بأسم الجنوب
وبأسم اميره
كلنا فهد و عبدالله على الخط
الإيجابي
تحت أوامر قادة الأسلام رواد
المسيره
كلنا نستنكر الأرهاب شيبان
وشبابي
و ضد عميان العقول و ضد
عميان البصيره
¤¤(2)¤¤‏
الليبي اللي معه عشرين شرموطه
ما زعزك يالزعيم القالط
الساطي
بهيمتن من زمان العام
مربوطه
في خشمها سلسله وعقال
ورباطي
حكومته من قبل شارون
مظغوطه
ماعاد له مع رجال العرب
مقلاطي
بجاه ربي وجاه الوحي و
شروطه
واللي خذا له في الحرم سبعة
اشواطي
ان روسنا فوق هام السحب
مزعوطه
وقذاف واطي ومن ساهم معه
واطي
‏¤¤(3)¤¤
راكب اللــــــــــي من حفيزه
بهبهاني
جمس رفـــــــرف يعجبك بدي وغماره
حجم ماطــــــــــوره محرم
بالمواني
امنعـــــــوا تصديــــــــــره الا
للوزاره
خمسة ميه يقتضيها رقــــــــم
ثاني
احدعش اتزايـــــــد في عيني
وقاره
امسحوا له لين صــــــــــدر له
بياني
بامــــــــر سامي صدروه امن
الاماره
ثم نــــــــــادوا صاحبه قبل
الاذاني
ياخذه قبل الصبح يطلــــــــــع
نهاره
ماملكه الا الحصــــــــــان ابن
الحصاني
واحدن مطنــــــــــوخ وسنافي
وطاره
يــــــــــوم دق السلف كنه
ياخواني
يسبق المفتــــــــــاح قدحه
للشراره
كــــــــــن صوته فحــــل ذود
للعماني
لا هــــــــــدر والقيد حده من
بكاره
لا عطــــــــــاه البنص ياخذ
فالمكاني
سجدتن منــــــــها الكفر يردم
زباره
لا عطــــــــــاه اثنين زاد به
الجناني
من حمــــــــــار قزوزه تشب
الزقاره
مثل حــــــــــر شايفن برقن
سماني
شافهن فــــــــي صيهدن دونه
قراره
ماخذا فــــــــــي هدته اربع
ثواني
رددوا فعلن فطنه اهــــــــــل
الصقاره
ان عرض لك مهــــــــــر فايز
بالرهاني
وان عتبته ماتشــــــــــوف الا
غباره
ولا نطح نور الشفــــق والليل
داني
اختلط لــــــــــون الشفق ويا
حماره
مدبــــــــــل السستات ومضمن
ضماني
اربع الرصــــــــــات نستــــــه
الحراره
سايقه لــــــــــه بخص بسهيل
اليماني
كل نجم عارفــــــــــن دورة
مداره
ولا رقد في مرقــــــــده نسل
الهداني
للخطــر سايقــــــــــه معلن
انتحاره
برسله فــــــــــي لازمي ذرب
اليماني
صوب رجلــــــــــن ماتغيره
الحضاره
الرفيق اللـــــي هجوسي له
خذاني
من سلايــــــــــل لابتن لاقيل
غاره
يحتمون الجــــــــــار وديار
العواني
الوفا و الطيب فيهــــــــــم
والنعاره
فلا وصلت ديــــــــــار بيشه
والمباني
للشقيقـــــــــه وجهت الجمس
ومساره
يــــم بن جــــــــــدلان كساب
الثماني
راعي الوقفـــــــــات والطيب
وشناره
بلغ القــــــــــرم الوفي على
لساني
الســــــــــلام وامنيــــــــاتي
بزدهاره
ولا خلص واجبك بلغــــــــــه
امتناني
سلمه خطــــــــــن نبي فيه
استشاره
من عميد الشعــــــر في بحر
المعاني
من خيال الفكــــــــر من نهر
الإثاره
بوح فكــــــــره مايبي شاهد
عياني
في بحور الشعـــــر له سفن
ومواني
ياسعد والبحــــــــــر له حد
ومواني
وانت مثلك ينقض رمــــــــوز
الاشاره
البـــــــــلا من حاجتين و من
زماني
وابيض الصـــــــدق اختلط ويا
سماره
اختلاف الحــــــــــل و الله ما
عطاني
غير ضحكـــة سن تكشف عن
شعاره
‏ ‏ ¤¤(4)¤¤
الا يالله عفوك لا معي بيجر و
لا جوال
ولا عندي وظيفه والتجاره
فاشلن فيها
ولاعندي شهاداتن ولا حرفه تسد الحال
ولا حظن كبيرن لأخطت الجره
‏ ‏ يقديها
مخابي الثوب تومي ما دخلها
من زمان ريال
بها فاتورة الكهرب ولا يمديي
أقضيها
علىذيك العراوي تتعب الحادي
‏ ‏ مع الجمال
ثلاث شهور فالورشه وشهرين
‏ ‏ مغطيها
ابيها لوتجمل يوم واجلبها على
‏ ‏ الدلال
يجيها واحدن حظه مثل حظي
‏ ‏ ويشريها
نصيت العسكريه يوم قالوا
للنظام إرجال
و قدمت الملف و صورتن متشخصن فيها
خذ الأوراق مني واحدن ما عند
بوه دلال
سلوم الناس وأهل المعرفه
والطيب مخطيها
قراها في دقيقه والتفت عجلن
علي وقال
شهادتك العظيمه ياولد وين انت مخفيها
هزيت الراس ما عندي تقول
اني من البنقال
وقمت أحب خشمه واطلبه بالله
‏ ‏ تمشيها
حذفها من يده شين الطبيعه
والنبا والفال
وقال أزين تعود صوب نوقاتك
‏ ‏ تعشيها
تناوشته من الكرسي وعقت
الحل والترحال
وضربته بالبياله عقب ما بيحت
شاهيها
خذوني للسجن لانيب لاظالم
ولا محتال
مجرد واحدن جا يكحل عيونه
فيعميها
ويومني خرجت أقفيت لارض
‏ ‏ الله وسيع الجال
على برن هواه يداوي العله
ويبريها
ادور قصعة الجربوع والضب
الفتى يحتال
والأرنب ياشفاة الروح محلاها
وطاريها
بلا كهرب ولابيجر ولا غازن و
لا نقال
قوانين الحضاره لاتبي شوفي
ولا بيها
¤¤(5)¤¤‏
ودنا بالطيب بس الدهر جحاد
طيب.
كل ما تخلص مع الناس كنك
تغشها.
يدك لا مدت وفا لا تحرى وش
تجيب.
لا رجعت لك سالمه حب يدك
وخشها.
كل ماشبيت نار المحبه مع
حبيب.
قام يسحل في مشاهيبها
ويرشها.
وكل ما واجهت لك في الزمن
وجه غريب.
مثل ماقال المثل دام تمشي
مشها.
وذمة ماهيب تندار للحق
المصيب.
جعل قشاش الحطب لاسرح
يقتشها.
‏ ¤¤(6)¤¤
ياللي على شان معكازي تبين
‏ لي
رجلي على حالها وانا على
حالي
والكسر ماهوب في رجلي على كلي
وأنت السبب في الغرابيل اول
وتالي
تكفى مراسيلنا العجلات
ياخلي
عن مخذ الأخبار واللا شوف
الأزوالي
قلبي وقلبك توصل لك وترسل
لي
والله انها اشد من موجات
الإرسالي
ردن سلامي عليك وجن وقالن
لي
انك ترحب و ا نا في خاطرك
غالي
ليت الغرابيل جتني من عدو
لي
ان ماتقاضيت و الا بيتقاضى
لي
لكن من واحدن ذكره غناتن
لي
ما زلت أحبه و ابا حبه ولا
بالي
لامر طرق بخدراته سلام
لي
كنه يسلم علي بصوته
العالي
خلوني اسج عن موضوعه
احسن لي
واللا الغلا و الله يبطي و هو
غالي
¤¤(7)¤¤‏
قالوا تحبه قلت ماعاد نيب
ابيه
وانا أشفق له اشفا من سقيم
المرض لدواه
أقوي عزومي كن ما عاد عندي
فيه
وانا والله اني مونسن البلا
وأكناه
عروف الحشا ما تنبت الا على
طاريه
تناما على قربه وتضمر على
فرقاه
فترى من يعذل مولع من هوى
غاليه
مثل من يحاول يعدل السيل
من منحاه
‏ ‏ ¤¤(¤¤‏
علي كثرو اعوان الدهروالدهر
ضدي
وذا حال من صارت ضروف
الدهر ضده
تحداني الدنيا على غير ما
ودي
و حبل الردا رث اذا جيت
بامده
بعض الأصدقاء لا جيت باقابله
صدي
ومن كنت محتاج لوده بدى
صده
ولا عاد لي غير أترك الدار
واشدي
ومن عدني والا فوالله
ماعده
وصدر الفضا واسع مع الأفق
ممتدي
ومن سار في درب وصل ولو
بعد مده
اليا باروا الخلان و الحظ
متردي
فلا للفتى الا يترك الدار من
جده
وخلن بدل خلن وحدن بدل
حدي
وربي هو اللي يقصر العمر
ويمده
تمسكت في حبل الصله وتعبت
يدي
بلا فايده والحبل ذا اليوم
باهده
وباقوس ثوبي دمت حي على
قدي
و كل يفصل له ثياب على
قده
و من لا يسد بواجبه مات ما
سدي
ولا خير في من واجبه مات
ماسده
باشد الرحال وبترك الدار من
جدي
ومن له علي فضل ومعروف
يرتده
ورزقي على اللي لا عطا
يجزل المدي
و من يستعين بخالقه نال
ما وده
فلا خير في من يقبل الضيم
والضدي
ويخسى الذي تقصر عن المرجله يده
‏¤¤(9)¤¤
لعل رب جمع يوسف
ويعقوبي
يلمني مع وليفي
واتهنابه
اللي من اجله ماغير احسب
اذنوبي
والقلب كن الدبا الحننان
يرعابه
احتل طيش المشاعر واخلف
اسلوبي
و جميع ما مرني منه
اتهجابه
الكلمه الطيبه لا قطها
صوبي
و الا نظرني بنظرة عطف
جذابه
فرحت فرحة صلاح الدين
الايوبي
ساعة تولى على المقدس
وصلابه
¤¤(10)¤¤‏ اهديت باقة ورد من ضمن
الابواق
لاقول لحد خذها ولا قول
ذقها
و دي بالأنفس كلها اصحاب
واصداق
ولا اخشى عقايبها ولا ارجي
نفقها
خلقت الاراضي و السموات
بطباق
و شع الاوادم طبقة من
طبقها
فا لآدمي لولا المكارم
والاخلاق
كا لحنظله من ساسها لا
ورقها
‏¤¤(11)¤¤
انا عشت بالشدات ما عشت
باعنايه
وصحيح اني بدوي ليا قالوا
ابدوي
عطاني زماني من تجاريبه
اكفايه
وعرفت الخطا والصح والنقص
واللوي
وبرق لي على الضيحه كما
برقة مرايه
ووردني سراب من طمع فيه
ماروي
وبراني كما يبري القلم وسط
برايه
ونزع مني اخلاقي وخلاني
ابدوي
فترى الناس ماكل يبي ينوخذ
رايه
ولاكل من جاب المواريد ما
غوي
و لا كل حيد تنقله يصلح
بنايه
و لا كل جدر لا تراكيت به
قوي
ولا كل من صادقت تبدي له
الغايه
ولا كل من يضرب فجوج الخلا
خوي
¤¤(12)¤¤‏
زوانـــي الهاجوس ملعون ابو
الاهل
يقول البيــــــوت العصم اياك
واياها
لاعينت كلمه قلت يضرب بهـــــا
المثل
لقينا وراهــــــــــا كلمة كنها
اياها
ماتنجح مدارس فلسفة علم في
جهل
والعربان مـــــاكل قدر يكسب
ارضاها
يحاول قدر الامكان يعني على
الأقل
يدخل في مفــــــاهيم العرب يكسب اصغاها
‏¤¤(13)¤¤
كــــــــــل دار ارجعت وانــــا
سناوي
عزتي للـــــي سواتي عزتي
له
زادت الحمــــــــــى فرحــــــنا
للمداوي
والمــــــــــداوي زود الحمى
مليله
ياجميله كن يطـــــــوي الحال
طاوي
والله ان كبــــــدي على شوفك
عليله
والله ان قلبــــــي على شوفك
شفاوي
غير لا بيدي ولا بيديــــــــــك
حيله
سجليني فــــــــــي بحر حبك
فداوي
انا مجنونك عقب مجنـــــــــون
ليلى
يارقبت الخشــــــــــف ياعين
النداوي
ياسراجيـــــف الذلــــــــــول
المستحيله
يامنــــــــــات تنقصـــــر عنها
المناوي
ياخيــــار الــــــــــدهم يالقبا
الأصيله
لعن ابـــوك انتي مكاسر عود
جاوي
ملبسك سنــــــــــدس شرابك
سلسبيله
لو تمريــــــــــن الشيوخ اهل
الفتاوي
عودوا مثلــــــــــي يجرون
الطويله
ومن عشـــــــــق شرواك والا
لا يهاوي
التقيد فـــــــي بعض الأشياء
فضيله
‏¤¤(14)¤¤
انا وين بلقى يالا جاويد فاعل
خير
حريص على ســــــر المحبين
لارسلته
من اول لو اصبر عام ما بان
بي تأثير
وهالحين حتى صبــــر يومين
ماحتلته
انا مثل صقـــــــار تولع بحب
الطير
ولف قلبه فــــــروخ الشياطين
واهبلته
صغير بسنه ميـــر عندي مهوب
صغير
يامغلاه في قلبـــــــي وياكبر
منزلته
اجمع سمـــان الهرج خوف من
التقصير
والى جيت بأشـــــرح له كلام
تهازلته
يجيني منه هيبه معــــزه سحا
تقصير
اجي له وعنـــــدي علم واروح
ما قلته
¤¤‏(15)¤¤
آه ياقلب ياللـــــــي دايم في
ذهول
والله انه ثقيـــــــــل لين جوه
الثقال
ياقطــــــــــان العبيه ياهيــام
الذلول
ياعيون النـــــــــداوي يا رقبة
الغزال
نور وجهك على من شاف منك
القبول
نور صبـــــــح تبسم في رهاد
الجبال
كني أقــــرأ على طرت جبينك
تقول
انا قلبـــــــــي يحبك ياحبيبي
تعال
كن قدمي حـــد في الحب راح
مهبول
والله انه خطــــــــير لا يجيني
اهبال
المحبــــــــــه جملها مرســــل
ومعقول
لعنبو من يقـــــــول ان المحبه
اخبال
والذي ليلة الأســــــــرى عرج
بالرسول
ان حبك لحــــــال وحب غيرك
لحال
¤¤(16)¤¤‏ ‏
ياعيون مرقــــــــب ما يرب الا
العلا
روس عيطن مايوقع عليها الا الحرار
لا بغيت اسلــــــي القلب عنكم
ماسلى
آتغصب بالوناسه وكني فوق
نار
راكب اللـــي بعد ماكدته شركة
هلا
مايدوج فالشــــــــــوارع يدور
للأجار
جهزه راعيه يبغـــــى يبوح ابه
الخلا
لا تعومس واظلم الليل وانكف
النهار
لاذكر خطـــــــو هنوف توريه
الفلا
لاعب به هرجها في الخفا لعبة
قمار

ودي

المشاركات : 41 تاريخ التسجيل : 26/08/2010

مشكور على طرحك

وابن جدلان شاعر معروف

وغني عن التعريف

لو تكلمت عنه من اليوم لبكرة ما راح اوفه

لك ودي

المشاركات : 46 تاريخ التسجيل : 27/08/2010

صح السانك
شعر كبير
ولا تحرمن من جديدك
تحياتي

المشاركات : 141 تاريخ التسجيل : 27/08/2010

مشكوورين علا البداع ولهنت علا اطرح

المشاركات : 36 تاريخ التسجيل : 26/08/2010

منوورين الموضوع ..